Sorkar thar ah PMJVK sanction la hmu lo; Vanapa Hall sak tharna tur Chief Minister sawi ang la ni lo

by Editor

Tualchhung News

ZORAM TODAY| 21st August, 2024 (Wed): Vawiin Assembly Session ah Dampa bialtu, MNF MLA Lalrintluanga Sailo zawhna District Council & Minority Affairs Department changtu Minister C. Lalsawivunga chhan danin tun Sorkar ah PMJVK sanction thar hmuh a la nihloh thu a tarlang.

2023-2024-a State Level Committee recommendation angin Project Proposal 65 thehluh a nih thu a tarlang bawk.

"Chief Minister zahawm takin, Assembly hnuhnung ber a Union Minister nen telephone-a an inbiakna-a a sawi, PMJVK scheme atanga Vanapa Hall sakna tur cheng 3700 lakhs sanction tifel anga a sawi kha engtin nge Sorkar in hma a lak tawh?" tiin Lalrintluanga Sailo chuan a zawt a.

District Council & Minority Affairs department Minister chuan, "Vanapa Hall sak thatna tur project hi Ministry of Minority Affairs-ah thehluh a ni a, Ministry lamin tun dinhmunah a la ti fel rih lo a ni" tiin a chhang.

( Picture: Secretary Shri Katikithala Srinivas, Ministry of Minority Affairs hova meeting lai)